272
BOLETÍN DA REAL ACADEMIA GALEGA
tianismo dos seus descendentes actuais. O fondo racial seguía a selo mesmo malia ás formas cambiantes. Murguía aínda se distanciaba máis a respecto da ?tradición antropolóxica alemana? no referido á valoración doutros pobos e culturas. Para esta impoñíase unha actitude (máis ou menos) relativista como consecuencia das súas propias premisas. Se cada pobo era único e especial, resultado dun V olksgeist e dunha historia particulares, daquela non era posible soster que unhas xentes ou unhas culturas eran superiores a outras, porque non se podía facela comparación entre elas e sobre todo porque non podía haber unha escala de valores universais xa que cada configuración cultural era tan válida coma o resto. Esa non era a postura de Murguía. Xa vimos claramente que para el si que había pobos superiores e inferiores ?razas arias superiores e creadoras de civilización e razas semitas ou salvaxes inferiores, atrasadas ou francamente primitivas. Neste sentido o seu etnocentrismo racista estaba lonxe dos valores relativistas do enfoque antropolóxico alemán. Só en certas circunstancias é posible albiscar unha actitude (relativamente) relativista nos seus escritos. Era así, por exemplo, cando defendía a maneira de vivir e as crenzas dos celtas galaicos fronte á imposición imperialista dunha civilización grecorromana segura da súa superioridade. Ou cando ollaba con simpatía e valoraba positivamente a ?cultura popular? galega ?xa que esta era o espello da identidade propia do país (á parte do valor utilitario que puidese telo seu estudio, que para el era considerable)? en oposición a aqueles que vían nela unha simple morea de supersticións absurdas que debían ser erradicadas canto antes en aras do progreso. Nestes dous casos Murguía saía como valedor de dúas culturas habitualmente infravaloradas, defendendo o seu interese e a pertinencia do seu estudio, así como os valores positivos que contiñan. Pero, como podemos doadamente imaxinar, as súas intencións non eran nada desinteresadas; a fin de contas estaba en xogo a propia consideración da identidade galega... A respecto da visión holista e i n t e g r a d a da configuración cultural específica dun pobo, visión característica da ?tradición alemana?, existía en Murguía unha contradicción ou incoherencia entre, por unha banda, as súas máximas teóricas a prol da i n t e g r a l i d a d e da ?cultura galega? (por máis que el non empregue este termo) como personificación do ?xenio? e das tendencias pro