Traballos de investigación e estudo
BOLETÍN DA REAL ACADEMIA GALEGA
5.3.4. Paradigma dos demostrativos O conxunto das formas demostrativas utilizadas n'Ó Apóstol Santiago recóllese na táboa 2. Trátase, do punto de vista dialectal27, dun paradigma mixto no que conviven formas con tónico no masculino e no feminino ?maioritarias no galego moderno?, formas lucuaurienses con tónico no masculino, formas invariables con tónico (propias do centro e sur da provincia de Pontevedra e do extremo nororiental da da Coruña) e, finalmente, formas femininas con tónico que no moderno galego oral son moi minoritarias. Podemos afirmar, daquela, que no tocante ao sistema de demostrativos encontramos neste prego un modelo interdialectal en que o inconstante uso das variantes con incluso no xénero feminino probablemente obedece a un impulso favorecedor das solucións inequivocamente galegas e distintas das do castelán. Masc. Sing. este, iste aquel Fem. Sing. esta, ista aquela Masc. Pl. istes Fem. Pl. Invariable isto
I II III
Táboa 2. Demostrativos utilizados n'Ó Apóstol Santiago.
Cremos que non se pode adscribir cada unha das distintas formas rexistradas a diferentes partes do texto. Os demostrativos masculinos de proximidade con tónico empréganse desde a segunda columna da segunda páxina, pero sucede o mesmo coas variantes con , que son as que se usan como termo de preposición: Iste (2.2, 4.2), istes (4.1), d'este (2.2, no ?letreyro?), n'este (3.2). Tampouco se poden sinalar zonas reservadas a cada un dos dous tipos de formas femininas de proximidade: esta (2.2; 3.2, 2 veces), ésta (3.2), n'esta (3.2), d'esta (4.2), Ista (3.2, 2 veces), d'ista (4.1). Mesmo se dá o caso de que esta e ista se len consecutivamente en 3.2:
Hay que saber que no ano 1095 á Santidá de Urbano 2.º dou Bula, pra que a sede Bispal que estaba en Iria se trasladase á Compostela, como así o fixo o Sr. Bispo D. Dalmacio que pedira a o Papa esta gracia. Ista S. Iglesia de Compostela é o terceiro Santuario dos catolicos.
En principio, poderíase aventurar que o parágrafo que comeza dicindo ?Ista S. Iglesia? e talvez tamén os seguintes fosen escritos por unha man distinta da que redactou a parte anterior, unha man que sería máis proclive ao emprego dos demostrativos con tónico. Mais preferimos deixar de lado esta hipótese ao comprobarmos que no treito da columna 3.2 posterior a ?esta gracia? alternan unha ocorrencia de este, tres de esta e dúas de ista e que na cuarta páxina do prego hai unha ocorrencia de esta, unha de iste, unha de istes e unha de ista. Ao noso parecer, estes datos non resultan concluíntes.
267 Nº 367