MANUEL MURGUÍA
275
racial?, o que en última instancia debía servir de base e de argumentos para as súas reclamacións de autonomía política e cultural. Desta maneira, as preguntas antropolóxicas fundamentais que el se facía eran: ¿quen somos os galegos?¿que significan as diferencias e as semellanzas a respecto doutros pobos?¿como podemos coñecela nosa orixe e establecérmola nosa singularidade? E isto marcaba os intereses e os límites de Murguía. Na procura de respostas acudía a unha ampla serie de disciplinas e de discursos, de teorías e de prácticas: a historiografía ?romántica?, sobre todo francesa, alemana e británica; a tradición historiográfica galega (non só os seus predecesores máis inmediatos e primeiros forxadores do c e l t i s m o galego ?Verea e Padín?, senón tamén ós autores dos séculos XVI, XVII e XVIII); as fontes clásicas sobre a antiga Gallaecia; a lingüística comparada, nomeadamente a que trataba coas linguas indoeuropeas (e que fora a primeira responsable da creación do m i t o a r i o); a arqueoloxía prehistórica e protohistórica (para el tiña especial interese o estudio dos megalitos, que el consideraba monumentos puramente célticos); a ?tradición antropolóxica alemana?; o folklore e o estudio comparativo das relixións, a través do cal procuraba interpretala ?mitoloxía popular? galega á luz da primitiva relixión ariana; as teorías raciais da época (especialmente de antropólogos franceses da primeira metade do século XIX), así como todo un amplo conxunto de representacións sobre o ?outro? noneuropeo herdadas de séculos anteriores pero reactualizadas segundo os novos contextos epistemolóxicos e de relacións políticoeconómicas. Todo isto fornecíao dos elementos co que construír aquilo que se impuxera como tarefa. Neste punto pódese falar da adecuación existente entre os seus obxectivos, as premisas antropolóxicas das que partía, e os métodos, saberes e prácticas ós que recorría tendo en mente os dous primeiros. Por iso podemos falar da c o h e re n c i a do seu pensamento e da súa obra, dentro da lóxica que impoñía o ?paradigma galeguista? (por máis que tamén é posible atoparmos certas contradiccións e tensións, algunhas importantes, das que aquí só sinalei unhas cantas). Pero tampouco se limitaba a ser unha simple ?correa de transmisión? dos saberes do seu tempo, porque Murguía realizaba unha selección dos mesmos ?das súas temáticas, teorías e técnicas? seguindo os seus intereses e as súas