274
BOLETÍN DA REAL ACADEMIA GALEGA
etnocéntricos, da súa inxenuidade, da súa falla de datos empíricos ou do seu sometemento a obxectivos extracientíficos. E probablemente nos sentiriamos ledos de estarmos nunha situación moi diferente á súa, de térmola investigación científica como única (?) guía e obxectivo do noso traballo, ou do progreso dos nosos coñecementos. Mais por moito que esa conclusión nos chegase a satisfacer, penso que se queremos coñecer ben o pensamento antropolóxico de Murguía (así como outros aspectos do seu pensamento e da súa obra) deberemos deixar de lado ese p re s e n t i s m o e procurar situar e entendelas súas opinións e as súas prácticas no contexto histórico, cultural e persoal no que se inserían. Iso foi o que tentei facer nesta nova achega ó estudio do pensamento antropolóxico na Galicia decimonónica. Quizais sexa útil consideralas ?peculiaridades? de cada autor en termos dunha interacción entre os contextos social, político, ideolóxico e científico nos que vivían (que fornecían de posibilidades e de inquedanzas, das preguntas e das respostas posibles, de teorías e de prácticas) e os obxectivos que se marcaba cada un (que dependían en parte dos devanditos contextos e que asemade determinaban os intereses e as prioridades, os medios a empregar e os xeitos de usalos, as preguntas e as respostas). Murguía inseríase nun contexto político e ideolóxico xeral caracterizado, entre outras cousas, polo agromar das reivindicacións nacionalistas en Europa, o apoxeo do capitalismo imperialista, o cuestionamento da narración bíblica e a crecente importancia das teorías raciais... Así mesmo os distintos saberes existentes marcaban os seus límites epistemolóxicos e metodolóxicos. Todo o cal non podía deixar de influír na súa visión do mundo, no seu labor e nos seus anhelos: desexo de autonomía para o seu país, establecemento de xerarquías raciais e desprezo polos pobos non europeos, favorecemento das teses invasionistas, creación dun novo marco cronolóxico e conceptual para a súa historia de Galicia, etc. Pero ademais do contexto xeral é fundamental ter en conta os obxectivos, intereses e prioridades do autor. O obxectivo ?erudito ?de Murguía era establecer unha identidade para Galicia ?para o cal era preciso escribila súa historia, estudialo seu folklore , a súa literatura e a súa arte, definilo seu carácter e darlle unha nova identidade