MANUEL MURGUÍA
269
monoxenista e polo evolucionismo unilineal decimonónico). Xa que logo o ?método comparativo? ?básico da metodoloxía evolucionista? era admisible para Murguía só se era utilizado dentro dos límites impostos pola súa xerarquía racial. Unha s u p e r v i v e n c i a galega só podía (e debía) ser comparada coas tradicións pertencentes á mesma raza có pobo galego ?e así achábanse semellanzas significativas que reforzaban as teses celtistas e arianistas do autor?. Deste xeito dábase unha estreita coincidencia entre as premisas e os métodos etnográficos e os obxectivos de Murguía, reforzándose mutuamente uns a outros nunha especie de círculo de retroalimentación animado polo ?paradigma galeguista?. Esas críticas ó concepto evolucionista dos survivals arredábano do enfoque evolucionista ?como tamén o facía, por outra banda, a súa concepción descontinua e difusionista do cambio cultural?. Con todo, o seu antiprimitivism o, a súa crenza no progreso e a súa superación do relato bíblico como marco da historia humana, afastábano igualmente do enfoque antropolóxico máis tradicional. Neste punto plantéasenolo interrogante de se Murguía podía ser incluído nalgúns dos enfoques antropolóxicos característicos do século XIX (Pereira González, 1999). Xa vimos que non cumpría certos requisitos básicos do enfoque tradicional e do evolucionista. Certamente, e admitindo non obstante que en ocasións algunhas das súas ideas podían achegarse a certos presupostos deses dous enfoques anteriores, o seu pensamento antropolóxico amosaba máis puntos de contacto cun terceiro enfoque antropolóxico: a denominada ?tradición antropolóxica alemana?10. Noutro lugar xa teño tratado con máis detalle as características desta e as coincidencias entre ela e o pensamento antropolóxico murguiano (Pereira González, 1999 e no prelo). Polo que aquí só necesito lembralos puntos máis esenciais. En primeiro lugar Murguía, como os membros desa tradición antropolóxica, centrábase no estudio dun grupo humano particular ?o pobo galego?, trazando a súa historia e salientado as súas peculiaridades tal e como estas se ían constituíndo ó longo do tempo e como se manifestaban no presente (construíndo de feito a singularidade do pobo galego). Nisto diferenciábanse tanto do