268
BOLETÍN DA REAL ACADEMIA GALEGA
Murguía vía a ?cultura popular? en termos de s u p e r v i v e n c i a s de épocas ancestrais. Sen embargo o concepto de s u p e r v i v e n c i a presente no escritor galego difería moito do empregado polo evolucionismo sociocultural decimonónico (os survivals). Para os evolucionistas os survivals funcionaban como o testemuño de estadios anteriores de civilización presentes aínda en sociedades actuais avanzadas ?supervivencias no presente de tempos pasados e primitivos?. Isto era posible porque as desenvolvidas sociedades europeas contemporáneas foran, na opinión dos evolucionistas, nas súas primeiras orixes tribos primitivas como aquelas que os europeos estaban a atopar noutros continentes; e pegadas dese pasado aínda ficaban dentro delas, nomeadamente entre as poboacións rurais. Por iso os evolucionistas defendían a comparación destas s u p e r v i v e n c i a s coas crenzas e costumes dos primitivos actuais (africanos, indios, australianos...), xa que tanto unhas como outras pertencían a idénticos estados de civilización ?sobordados xa polos europeos pero presentes aínda entre as razas salvaxes (Stocking, 1987)?. Pola contra, para Murguía as s u p e r v iv e n c i a s presentes na ?cultura popular? galega eran testemuños da transmisión a través das xeracións dunha herdanza racial celta e unicamente podían ser entendidas dentro dunha xenealoxía étnica moi concreta: a das razas arianas. Só podían ser entendidas e comparadas dentro desa xenealoxía aria ?tanto nun sentido d e s c e n d e n t e (explicalas supervivencias actuais en termos das antigas mitoloxías arias), como noutro a s c e n d e n t e (coñecelas crenzas e rituais dos arios por medio do folklore europeo)?. En ningún caso era posible comparalas con crenzas e costumes de razas salvaxes nonbrancas, porque entre os arios e estas non había comparación posible. E isto non só por mor das peculiaridades de cada tradición cultural, senón por un motivo moito máis profundo e esencial: a configuración racial. As supervivencias presentes nas culturas europeas eran patrimonio de razas superiores, e as razas superiores n u n c a estiveran ó mesmo nivel das razas inferiores, nin sequera no seu grao de civilización máis primitivo (Murguía, 1888b: 140141) ?nunca compartiran con elas un mesmo estado de civilización?, a diferencia do que postulaban os evolucionistas. Entre unhas e outras había barreiras inacadables, tanto no aspecto sociocultural como, e isto era o fundamental, no intelectual e mental (co que Murguía cuestionaba a unidade psíquica da humanidade defendida pola antropoloxía