MANUEL MURGUÍA
267
gos mantiñan vivos e intactos os caracteres propios da raza á que pertencían e porque estes se manifestaban continuamente nos seus actos e nos seus pensamentos ?por iso Murguía presentaba en ocasións ós habitantes das montañas de Cervantes realizando ?instintivamente? cerimonias máxicorelixosas semellantes ás dos antigos arios (Murguía, 1888b: 190)?. De feito o conservadorismo e o apego ás tradicións dos devanceiros eran para o noso autor uns dos trazos definidores da identidade racial celtogalega. A ?cultura popular? era, pois, unha segura proba da c e l t i c i d a d e de Galicia, un reflexo do ?carácter? e dos instintos raciais. E neste sentido non só certas crenzas, lendas ou costumes remitían directamente a un fondo celtoariano; senón que o folklore galego actual podía ser empregado para a reconstrucción das mitoloxías e dos ritos e crenzas relixiosos dos antigos celtas (Murguía, 1888b: 160). Así por exemplo podía ver no folklore galego as trazas dunha antiga mitoloxía ariana referida ó sol, á lúa ou ás estrelas ?primitivas (por antigas, non por inferiores) ideas e prácticas conservadas case integramente en certas zonas illadas do país?. Esta consideración da cultura popular esencialmente como un instrumento que informaba sobre o pasado e a identidade do pobo galego favorecía que Murguía realizase un achegamento f r a g m e n t a r i o e d i a c r ó n i c o da cultura popular galega. Primaba unha análise illada de certas crenzas e costumes actuais ?tirándoos así do seu presente contexto nas vidas dos seus contemporáneos? que el tendía a considerar como unha herdanza directa daqueles tempos dos primeiros celtas galegos e polo tanto como unha ?chave? que daba acceso a albiscalo sentir e o actuar destes ?primeiros pais? da nacionalidade galega. Neste sentido esas manifestacións da ?cultura popular? galega servían máis para dar vida e sentido a unhas épocas pasadas (pero importantes para o presente polo seu carácter lexitimador dunha certa visión do país) e para establecer unha xenealoxía determinada para a poboación actual, que para dar a coñecelas condicións e as pautas de vida desta. Este enfoque f r a g m e n t a r i o e d i a c r ó n i c o ?debedor das súas premisas e obxectivos previos? arredábao doutros autores contemporáneos que preferían levar a cabo un estudio s i n c r ó n i c o da ?cultura popular? ó sobrancealo lugar e o significado que certos elementos da mesma ocupaban na existencia cotiá das persoas (Rodríguez Campos, 1991).