270
BOLETÍN DA REAL ACADEMIA GALEGA
achegamento n o m o t é t i c o que os evolucionistas realizaban a respecto dos feitos culturais ?no que primaba o estudio de procesos xerais e das leis que os rexían?, descoidando polo tanto as culturas particulares; como da énfase do enfoque tradicional en derivar tódalas culturas dunha única e primordial (en confirmación do relato monoxenista da Xénese). Pola contra para Murguía e para a ?tradición alemana? cada cultura debía ser estudiada e n s i e para si, non como manifestación dun proceso cultural xeral ou como dexeneración dunha civilización orixinal. E xa coñecemos cáles eran as razóns ?profundas? de Murguía. En segundo lugar, Murguía compartía un elemento fundamental da teorización antropolóxica alemana: o concepto de V olksgeist, o ?espírito? ou ?carácter? dun pobo. Cada pobo tiña un V olksgeist particular, non reducible a ningún outro, que o facía distinto ós demais e que determinaba asemade os seus modos de pensar e de actuar (aínda que para certos autores aquel podía ser modificado no decurso do tempo). Como xa sabemos, Murguía vía nese ?carácter? particular unha consecuencia da orixe racial celtoariana dos galegos, e polo tanto era tan permanente como outras das súas expresións. O V olksgeist era para el o ?xenio? particular da raza, determinante da psicoloxía do pobo galego e que se manifestaba a través de tantos aspectos da súa existencia: a lingua, o folklore , as tendencias vitais... A investigación da ?cultura popular? ía encamiñada en parte a descubrilo (Murguía, 1881). Pero tamén o idioma era un vehículo de expresión privilexiado da personalidade galega. Só mediante o seu idioma propio ?o galego? o individuo era quen de expresar completamente a súa maneira de ser e o seu modo de velo mundo; de aí que a lingua fose un acompañante inseparable do ?xenio? racial. Por iso el podía consideralo idioma como un factor esencial da nacionalidade galega ?afirmando en repetidas ocasións que un pobo con lingua de seu constituía xa unha nación de seu?. A lingua era pois unha expresión máis do compoñente racial. Polo cal podía asegurar que aquela se mantería viva namentres se conservase este ?fronte a afirmacións pesimistas que agoiraban a pronta desaparición da fala galega (Murguía, 1879)?. Polo demais esta identificación entre raza/Volksgeist/cultura/lingua seguía as liñas trazadas polos teorizadores da ?tradición alemana? ?escritores