MANUEL MURGUÍA
273
pias da raza, e pola outra o seu propio achegamento f r a g m e n t a r i o e d i a c r ó n ic o ós costumes e crenzas da poboación galega. Pódese dicir que, malia a certas diferencias e matizacións, era esa tradición o enfoque antropolóxico co cal as ideas de Murguía presentaban as coincidencias máis importantes. Tampouco pretendo afirmar, porque sería excesivo, que Murguía foi un xenuíno representante dese enfoque (en primeiro lugar pola falla de sistematización do seu pensamento antropolóxico; en segundo lugar polas propias matizacións que xa indiquei). Pero as coincidencias eran demasiado importantes como para pensar nunha simple casualidade. Máis ben habería que falar dunha influencia xeral desta tradición sobre Murguía, influencia transmitida a través de certos autores ?como Herder ou os irmáns Humboldt, ós que citaba en ocasións? que eran representativos (e ata certo punto fundadores) da mesma. Sen dúbida eran algúns dos presupostos principais desa ?tradición alemana? ?o interese nas culturas particulares (e na propia cultura), a idea do V olksgeist, o historicismo?, así como certas teorías sobre a raza transmitidas a través das obras de autores franceses e das teses arianistas, as premisas antropolóxicas que mellor se axeitaban ós propios obxectivos do noso autor. E iso debe explicala súa adopción como postulados básicos do seu pensamento e das súas investigacións. Neste caso si que se trataba dunha influencia de grande importancia, pois estaba tamén na base do seu achegamento á historia de Galicia e da súa concepción da identidade galega . V. CONCLUSIÓNS Hoxe en día moitas das ideas antropolóxicas de Murguía pódense considerar superadas ?afortunadamente, se temos en conta especialmente as súas ideas acerca das razas humanas?. Sen embargo neste artigo non quixen adoptar unha postura p resentista que xulgase o pensamento antropolóxico de Murguía en termos da antropoloxía actual, sinalando os puntos nos que diferían entre si, os erros e as limitacións que dende unha perspectiva actual presentaban as súas opinións. Unha postura tal, avaliando o seu pensamento cos parámetros do presente, sen dúbida non deixaría en moi bo lugar ó noso autor. Falariamos dos seus prexuízos