Membros da Academia Pleno De honra De número Correspondentes

Ramón Bernárdez González



04/09/1905


Académico fundador


Xesús Alonso Montero (30/10/1993 - )
Rafael Dieste González (18/04/1970 - 15/10/1981)
Valentín Villanueva Rivas (03/08/1924 - 08/11/1931)
Ramón Bernárdez González (04/09/1905 - 16/06/1911)


Sendo descoñecida a súa data de nacemento, o seu pasamento data do 16 de xuño de 1911. Foi abade da Colexiata da Coruña e simpatizante do movemento rexionalista liberal que, naquela altura, imperaba na cidade da Coruña. Tamén foi membro da Real Academia Galega desde a súa fundación o 4 de setembro de 1905.

De Ramón Bernárdez González sabemos que naceu fóra de Galicia sen que iso lle impedise achegarse á cultura galega e implicarse na súa vida pública. Licenciouse en Dereito e foi párroco de Biduido e de Laraño, mais tamén arcipreste de Xiro da Rocha, en Santiago de Compostela. Porén, foi como abade da Colexiata da Coruña cando amosou maior preocupación pola realidade social na cidade que habitaba.

A comezos do ano 1893, participou -xunto con representantes do rexionalismo, coma Salvador Golpe, e do republicanismo, coma Pérez Costales- da mobilización contra o traslado, finalmente truncado, da Capitanía Xeral desde A Coruña, onde tivera o seu asento desde 1840, até León. Formou parte da chamada Xunta de Defensa, un organismo creado con multitudinario apoio cidadán contra o poder centralista, e mesmo padeceu algúns días de cadea xunto con outros corenta membros da devandita Xunta. Este feito, sumado a unha actitude reivindicativa pouco habitual nos homes da Igrexa, outorgoulle celebridade (vid.: “Ramón Bernárdez González: abade da M.I. Colegiata da Cruña”, en Almanaque gallego. Ed. facs. Ano 1895 ; p. 73-74). Porén, a súa vinculación coa ideoloxía liberal e galeguista volve poñerse de manifesto ao participar, en 1907, na constitución da organización agrarista e anticaciquil Solidaridad Gallega. A suá implicación era tal, que non só alentou a publicación de Galicia Solidaria, o primeiro semanario que tivo a organización, senón que convocou e fallou o concurso que premiou o Catecismo Solidario de Carré Aldao.

Ramón Bernárdez González mantivo unha relación tensa coas autoridades eclesiásticas ao  non deixar de cuestionar a súa vinculación cos poderes políticos.

Pertencen á súa autoría as seguintes obras:
Responsabilidad moral. Santiago de Compostela: Imp. de Manuel Mirás y Álvarez, 1883. 
La Eucaristía. A Coruña: Tip. 'El Noroeste', 1899.
Liberalismo: ¿quid est?. A Coruña: Tip. 'El Noroeste', 1890.
Reseña histórica y descriptiva de Santa María del Campo de la ciudad de La Coruña.Tui: Tipografía Gallega, 1892.
Historia primitiva. A Coruña: Tip. 'La Constancia', 1902. Unicamente deixou publicada a primeira parte.

Publicou, tamén, un artigo no Boletín da Real Academia Galega no que volve sobre o estudo do templo coruñés:
“Sepulcro del primer tercio del siglo XV descubierto en Santa María del Campo de la ciudad de la Coruña”, t.3, n. 29, 1909, pp. 100-106.



Dicionario
Axenda de actos Ver todos
Mércores 20 de decembro de 2017 / 19:30 h
Acto literario e musical co gallo do 110 aniversario da estrea do Himno

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar