Membros da Academia Pleno De honra De número Correspondentes

Antonio López Ferreiro
Santiago de Compostela, A Coruña, 09/11/1837


04/09/1905


Académico fundador


Casimiro Torres Rodríguez (04/03/1979 - 03/05/1989)
Ramón de Artaza y Malvárez (22/04/1939 - 20/12/1976)
Antonio López Ferreiro (04/09/1905 - 20/03/1910)


Antonio López Ferreiro naceu en Santiago de Compostela o 9 de novembro de 1837 e finou en Vedra o 20 de marzo de 1910. Erudito galeguista do século XIX, a súa produción narrativa, aínda continuadora do romanticismo, constitúe unha das achegas fundamentais das nosas letras.

Nado no seo dunha familia burguesa, cursou estudos de Filosofía e Letras e Dereito na Universidade Literaria e fixo carreira eclesiástica. En 1863 realizou o doutoramento en Teoloxía na Universidade Central, para matricularse posteriormente na Escola Diplomática de Madrid. Esta formación serviulle para obter o título de arquiveiro municipal. Consagrou, entón, o seu tempo á transcrición de documentos galegos do Arquivo Histórico Nacional. Ademais, estudou Paleografía, Latín Medieval, Numismática, Epigrafía, Xeografía, Historia Medieval, Bibliografía e Historia das Belas Artes. Xa en 1866 foi nomeado sacristán maior da igrexa madrileña de San Antonio de los Alemanes, mais regresou a Galicia ese mesmo ano ao conseguir o posto de párroco de Santa Olalla de Vedra. Un polémico artigo valeulle o nomeamento como cóengo da Catedral de Santiago: “El matrimonio civil en sus relaciones con la religión, la moral y la libertad”, no que refutaba o discurso pronunciado nas cortes por Montero Ríos en defensa da lei do casamento civil de 1870.

Moi interesado no pasado de Galicia, exerceu durante anos como catedrático de Arqueoloxía Sagrada no Seminario de Compostela e desenvolveu un destacado labor no achado das reliquias do Apóstolo. Neste campo publicou a obra Lecciones de arqueología sagrada (1889). O seu interese no coñecemento da historia levouno, ademais, a compoñer máis de cincuenta obras sobre o priscilianismo ou os foros galegos. Así, desenvolveu un importante papel en revistas como El PorvenirEl LibredónEl Pensamiento Gallego ou Galicia histórica; unha recoñecida publicación fundada por el mesmo que viu a luz de 1901 a 1903. Esta paixón quedou tamén reflectida na súa obra literaria, ateigada de descricións de monumentos, comentarios históricos, citas de documentos non publicados... Así o constatamos nas novelas A tecedeira de Bonaval (1894), O castelo de Pambre (1895) ou O niño de pombas (1905), ambientadas nos séculos XIV, XIX e XII, respectivamente. 
López Ferreiro foi membro fundador da Real Academia Galega e correspondente da Real Academia da Historia. Faleceu en Vedra no ano 1910. 



Dicionario
Axenda de actos Ver todos
Mércores 20 de decembro de 2017 / 19:30 h
Acto literario e musical co gallo do 110 aniversario da estrea do Himno

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar