'A bordo', de Fanny Garrido

A escritora coruñesa Fanny Garrido (1846-1917) é coñecida sobre todo pola súa produción novelística escrita en castelán so o pseudónimo de Eulalia Liáns.
Fanny Garrido
Francisca González Garrido, Fanny Garrido


Malia iso, na colectánea da obra do seu primeiro marido, o compositor coruñés Marcial del Adalid (1826-1881), editada por Margarita Soto Viso en 1985, aparecen, na sección titulada "Cantares viejos y nuevos de Galicia", media ducia de poemas asinados coas iniciais F. G. que corresponden á escritora coruñesa, dos que reproducimos máis abaixo o titulado "A bordo", composto entre o ano 1877 e o 1880.

A bordo

Ti sentada mirabas por enriba da borda
As casas que n´o porto chegaban astr´o mare
Cubria a noite a terra e soyos no máis alto
Tres albres somellaban
Tres albres somellaban pantasmas c´o luar.

Na túa yalma reñíase a loita derradeira
Antr´o novo deseyo
Antr´o vello terrore eu cá vista cravada
N´a tua cabeza
Enchía sin falarte
Enchía sin falarte
O teu peito d´amor.

Ao fin teus ollos levantaste con medo
Teu mirar veu fundirse n´a fogueira do meu
Destonces nosas almas por sempre se prenderon
E pra sempre fugiron
E pra sempre fugiron mon sosego e o teu.


Esta composición, musicada por Marcial del Adalid, pódese descargar aquí.

Dicionario
Axenda de actos Ver todos
Sábado 23 de setembro de 2017 / 12:00 h
Ingreso de Chus Pato como académica numeraria da RAG - Ourense
Sábado 30 de setembro de 2017 / 9:30 h
II Xornada de onomástica galega: Os nomes e apelidos - Museo de Pontevedra

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar