Homenaxe a Roberto Vidal Bolaño

O Salón Teatro de Santiago de Compostela acollerá o vindeiro 27 de outubro unha ampla homenaxe a Roberto Vidal Bolaño, a quen se lle dedica o Día das Letras Galegas do ano 2013.

O acto, que contará con actuacións musicais e teatrais, concíbese como un recoñecemento a todas as facetas desenvolvidas polo autor, actor e director homenaxeado. Carlos Blanco será o encargado de presentar este evento para o que xa está confirmada a presenza de músicos como García, O Leo ou a Magnifique Band. Do ámbito do teatro, sábese que participarán a compañía Chévere e a actriz Laura Ponte.

O tributo nacional a Roberto Vidal Bolaño, que arrancara xa co anuncio de representación de dúas obras do autor -Días sen gloria e Touporroutou da lúa e do sol- por parte do Cendro Dramático Galego, prosegue con esta homenaxe e coa publicación das súas obras completas na editorial Positivas. Cunha data de publicación prevista a partir de xaneiro de 2013, as obras verán a luz en cinco tomos: catro para o teatro -Agora, Outrora, Antroido e Adaptacións- e un para os textos non dramáticos. Na edición do compendio participan activamente Francisco Macías, director do selo; Roi Vidal, fillo do homenaxeado; e Xosé Manuel Fernández Castro, que publicou recentemente A obra dramática de Roberto Vidal Bolaño (Laiovento, 2011).

O traballo editorial de Positivas completarase cunha biografía asinada por Roi Vidal que sairá do prelo a comezos de 2013.

Dicionario
Axenda de actos Ver todos
Sábado 23 de setembro de 2017 / 12:00 h
Ingreso de Chus Pato como académica numeraria da RAG - Ourense
Sábado 30 de setembro de 2017 / 9:30 h
II Xornada de onomástica galega: Os nomes e apelidos - Museo de Pontevedra

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar