A RAG presenta no CEIP Carlos Casares de Nigrán a web Primavera das Letras 2017

21/02/17 |
A institución celebrou o seu primeiro acto da programación arredor do Día das Letras Galegas en Vilariño, onde viviu desde 1983 e escribiu unha parte importante da súa obra o protagonista do vindeiro 17 de maio

A RAG celebra o aniversario de Rosalía o 22 de febreiro cunha homenaxe literaria e musical

20/02/17 |
Os versos da escritora serán musicados por Roi Casal e recitados por Rosalía F. Rial, Ánxeles Penas e os académicos Marilar Aleixandre, Salvador García-Bodaño e Luz Pozo. O acto é aberto ao público, que poderá retirar previamente os convites na sede da Academia

'Airiños aires, Rosalía' incorpora os retratos da autora que custodia a Academia

17/02/17 |
A exposición da Fundación Rosalía de Castro xunta por primeira vez todas as fotos coñecidas da escritora. As imaxes históricas dialogan coas creadas por Xurxo Lobato, que evocan a súa vida e obra. A mostra poderá verse no Kiosko Alfonso da Coruña ata o 19 de marzo

Un libro cos 1.500 apelidos máis frecuentes facilita a corrección de formas deturpadas

15/02/17 |
'Os apelidos en galego. Orientacións para a súa normalización' é un traballo do Seminario de Onomástica da RAG que pretende ser útil para toda a cidadanía e, en particular, para o persoal dos rexistros civís. A versión dixital pode consultarse en academia.gal

Un ano para Carlos Casares cargado de iniciativas

13/02/17 |
A RAG presentará en Nigrán a Primavera das Letras dedicada ao escritor. O acto central do 17 de maio será en Xinzo de Limia e A Coruña, Santiago e Ourense acollerán un simposio que profundará nas súas achegas en distintos eidos. Roteiros, edicións especiais, exposicións e concertos son parte da programación de distintas institucións para as Letras Galegas 2017

'Vento ferido', medio século do nacemento dun clásico

10/02/17 |
O primeiro libro do protagonista do vindeiro 17 de maio acabouse de imprimir o 10 de febreiro de 1967. Carlos Casares publicouno sendo aínda un estudante universitario en Compostela. Cos seus doce relatos, a literatura galega confirmaba o nacemento dun gran contador de historias galegas e universais

A colección de retratos de Rosalía de Castro da RAG, agora na Rede

6/02/17 |
A Academia comparte desde hoxe a través de Galiciana as fotografías da escritora conservados no Arquivo da institución. Entre elas figuran o famoso retrato do estudio de Sellier e outros menos coñecido como o da autora con só dezaoito anos

Os Cursos “Galego sen fronteiras” celebran este verán trinta anos espallando a lingua galega polo mundo

3/02/17 |
O prazo de inscrición nesta nova edición permanecerá aberto ata o 24 de febreiro. O programa, aberto a persoas de fóra de Galicia, desenvolverase en Santiago de Compostela do 3 ao 24 de xullo de 2017

Homenaxe a "un dos presidentes máis brillantes" da Academia

2/02/17 |
A sede da institución por cuxa consecución tanto traballou celebrou unha homenaxe a Sebastián-Martínez Risco. No acto recoñeceuse tamén a súa aposta pola entrada das figuras máis relevantes da cultura galega na institución e o seu compromiso coa lingua como xurista en tempos complexos

'Onde ferve o amor por Galiza', 270 cartas entre Martínez-Risco e o galeguismo exterior

1/02/17 |
A Academia acolleu a presentación do libro de correspondencia coa diáspora do presidente da institución de 1960 a 1977. A edición, ao coidado de Xosé Ramón Freixeiro Mato, foi publicada pola Deputación da Coruña
Dicionario

Novas da Academia

Subscríbete

Cursos de Verán


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar