Xohana Torres, Premio da Cultura Galega a título póstumo

Xohana Torres recibirá a título póstumo un dos Premios da Cultura Galega. O xurado, na xuntanza celebrada onte na Cidade da Cultura, decidiu outorgarlle este recoñecemento á escritora e académica, finada o pasado 12 de setembro.
Xohana Torres

O xurado dos premios convocados pola Xunta de Galicia para apoiar a excelencia creativa decidiu distinguir tamén a Berta Álvarez Cáccamo, Mabel Rivera, Uxía Senlle, Óliver Laxe, o proxecto Apego, a Fundación Rosalía de Castro e Cristina Pato nas modalidades de Artes Plásticas, Artes Escénicas, Música, Audiovisual, Lingua, Patrimonio Cultura e Proxección Exterior, respectivamente.

Xohana Torres é unha das figuras esenciais das letras galegas contemporáneas que medraron na posguerra. Produciu unha selecta obra que inclúe a poesía, a narrativa, o ensaio e a literatura infantil. Cómpre destacar tamén o seu labor radiofónico, desde o o que tamén contribuíu á reconstrución cultural de Galicia e á defensa da súa lingua.

A concesión do Premio da Cultura Galega de Letras súmase aos outros recoñecementos que recibiu durante a súa vida, como o Pedrón de Ouro (1972), o Premio da Crítica (1982), o Premio Celanova (1985) ou o Premio da Creación Feminina (1992).

Dicionario

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar