Visita dos alumnos e alumnas dos Cursos de lingua e cultura galegas á Real Academia Galega

Un grupo de 60 estudantes dos Cursos de lingua e cultura galegas visitaron hoxe a sede da Real Academia Galega, onde asistiron a unha conferencia de Xesús Alonso Montero sobre a historia da institución.

Nesta visita, encadrada dentro do programa de actividades complementarias do curso, os estudantes foron recibidos polo presidente da Academia, Xesús Alonso Montero, no salón de actos da institución. Alí, por medio das palabras de Xesús Alonso Montero, fixeron un percorrido pola historia da institución, desde a creación da Sociedad del Folklore Gallego ata a actualidade: a creación, con don Manuel Murguía como presidente; o labor anterior a 1936; os primeiros anos de posguerra; o florecemento na presidencia de Sebastián Martínez-Risco, e os tempos posteriores. Xesús Alonso Montero puxo o acento no labor cubano da Asociación Iniciadora e Protectora da Academia Galega e, en xeral, das axudas que procedían daquel país e, noutros momentos, de Buenos Aires.

Nas súas palabras de despedida expresou a súa vontade de que cada un destes estudantes se converta nun embaixador da cultura galega nos seu país de orixe.

Dicionario
Axenda de actos Ver todos
Sábado 23 de setembro de 2017 / 12:00 h
Ingreso de Chus Pato como académica numeraria da RAG - Ourense
Sábado 30 de setembro de 2017 / 9:30 h
II Xornada de onomástica galega: Os nomes e apelidos - Museo de Pontevedra

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar