Visita do alumnado da Universidade de Zürich

Acompañado polo profesor da Universidade de Zürich e membro correspondente da Academia Johannes Kabatek, o alumnado foi introducido na historia e as funcións desta institución.
Johannes Kabatek, Xesús Alonso Montero e Henrique Monteagudo.
Johannes Kabatek, Xesús Alonso Montero e Henrique Monteagudo


En total, foron máis de trinta os alumnos que visitaron o pasado 20 de abril a Academia co fin de coñecer, da man do seu presidente, Xesús Alonso Montero, as súas instalacións, historia, funcións e regras de funcionamento interno. No seu discurso, o presidente da Academia trazou unha visión panorámica da Academia desde a súa fundación, promovida desde Cuba pola comunidade galega na illa liderada por Xosé Fontenla Leal e Curros Enríquez en colaboración co grupo coruñés organizado ao redor da figura de Manuel Murguía, ata o día de hoxe.

Os alumnos da Universidade de Zürich visitaron así mesmo a Casa-Museo Emilia Pardo Bazán.
Os alumnos da Universidade de Zürich visitaron así mesmo a Casa-Museo Emilia Pardo Bazán.


No que atinxe ás súas funcións, Xesús Alonso Montero salientou, así mesmo, a evolución nos obxectivos e ámbitos de estudo da Academia ao longo dos seus máis de cen anos de historia, desde o enfoque multidisciplinar dos seus inicios -que abranguía o estudo da historia, a etnografía e a cultura galegas, ademais da lingua e a literatura propias- ata a súa actual especialización no ámbito lingüístico e, nomeadamente, na función normativa.

O presidente da Academia rematou o seu discurso evocando a importancia dos romanistas alemáns no estudo da lingua galega: "Neste sentido, podemos afirmar que os filólogos xermánicos tiveron un papel pioneiro no estudo de certos aspectos da nosa realidade lingüística, como a dialectoloxía", concluíu.

Dicionario
Axenda de actos Ver todos
Mércores 20 de decembro de 2017 / 19:30 h
Acto literario e musical co gallo do 110 aniversario da estrea do Himno

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar