Unha sesión de inmersión na tradición musical coa voz de Uxía

A música tradicional galega está moi viva. A transmisión xeracional, sobre todo a través das mulleres, fíxoa chegar ata os nosos días, e en pleno século XX distintas escolas seguen aprendéndolles con éxito ás novas xeración a percusión e o canto tradicionais, entre outros instrumentos como a gaita ou o violín. Estas son algunhas das claves que Uxía lles achegou hoxe nunha charla-concerto aos alumnos e alumnas dos Cursos Galego sen fronteiras, quen se animaron a acompañala coas súas voces en distintas pezas ou a aprender pautas básicas para tocar a pandeireta.

Uxía ofreceu a charla-concerto acompañada de Sérgio Tannus. Autor: RAG


Uxía, acompañada por Sérgio Tannus, ofreceu un repaso polos aspectos máis destacados da tradición musical galega, desde as cantigas galaico-portuguesas ata á actualidade, interpretou distintas cancións populares e explicou algúns dos ritmos máis habituais da música e do baile de noso, como os da xota, a muiñeira ou o maneo, este último empregado para lles dar unha pequena explicación de como se toca a pandeireta galega.

A mestura da música galega coa doutros lugares, en especial coa dos países lusófonos, foi outro dos temas abordados e postos e escena co acompañamento do alumnado.


Explicando o movemento básico da pandeireta

 


O alumnado converte os cadernos en pandeiretas para practicar o maneo
Dicionario
Axenda de actos Ver todos
Xoves 14 de decembro de 2017 / 20:00 h
'Eduardo Pondal, poeta na Coruña', conferencia de Manuel Ferreiro

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar