Unha carta de Xosé María Álvarez Blázquez a Bouza Brey

No centenario do seu nacemento, publicamos unha carta de Xosé María Álvarez Blázquez a Fermín Bouza Brey conservada no Arquivo da Academia.
Xosé María Álvarez Blázquez.
Xosé María Álvarez Blázquez.


As abondosas achegas de Xosé María Álvarez Blázquez á cultura galega da segunda metade do século XX abranguen diversos campos, desde a creación e a edición literaria, ata a arqueoloxía, o ensaio e os estudos históricos e literarios.

Nesta carta dirixida a Fermín Bouza-Brey en setembro dun ano próximo a 1947 –e que se pode descargar transcrita nesta ligazón- o autor de Canle segredo anima o seu amigo a teimar na escrita poética de acordo coa súa propia concepción da mesma e contra a moda imperante na época que el cualifica como a dos "copreiros do ¡Ai, meu amor!". Outro tanto lle aconsella facer coa morea de datos que Bouza-Brey levaba recollendo desde había tempo sobre a figura de Rosalía de Castro: reunilos todos e publicalos en formato de estudo biográfico.

Xosé María Álvarez Blázquez alude, así mesmo, na súa misiva a outros temas, como ao "meu asunto da Academia", da que Fermín Bouza-Brey formaba parte xa desde 1941 e na que o tudense non ingresará ata finais de 1964, e ao seu traballo como editor na Escolma da lírica galega medieval, que publicará en 1952, e da que tira algúns refráns para llos ofrecer ao seu amigo e recoñecido etnógrafo, Bouza-Brey.

No ano 2008, a Academia dedicoulle o Día das Letras Galegas a Xosé María Álvarez Blázquez.

Dicionario
Axenda de actos Ver todos
Sábado 23 de setembro de 2017 / 12:00 h
Ingreso de Chus Pato como académica numeraria da RAG - Ourense
Sábado 30 de setembro de 2017 / 9:30 h
II Xornada de onomástica galega: Os nomes e apelidos - Museo de Pontevedra

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar