Un libro de homenaxe a Elsa Gonçalves recolle unha escolma dos seus estudos de lírica trobadoresca

A Facultade de Letras da Universidade de Lisboa acollerá o xoves 19 de xaneiro a presentación do libro de homenaxe á profesora Elsa Gonçalves, unha edición ao coidado do académico Henrique Monteagudo, de João Dionísio e de Maria Ana Ramos. O volume, De Roma ata Lixboa. Estudos sobre os cancioneiros galego-portugueses, recolle trinta traballos sobre lírica trobadoresca da investigadora portuguesa publicados entre 1976 e 2016.

O libro foi editado pola Real Academia Galega en colaboración coa Universidade de Lisboa, a través da Facultade de Letras -na que Elsa Gonçalves foi profesora de Literatura Medieval- e o Centro de Lingüística da Universidade de Lisboa. A presentación terá lugar ás 17:30 horas (horario luso) nun acto no que intervirán o presidente da Real Academia Galega, Xesús Alonso Montero; o decano da Facultade, Paulo Farmhouse Alberto; e Henrique Monteagudo.

Xesús Alonso Montero salienta que o labor de Elsa Gonçalves "é un compromiso fondo cos verdadeiros autores". Os estudos reunidos nesta colectánea, engade, son moi representantivos das súas investigacións: "representativos do rigor, que é constante; representativos dos temas e autores máis frecuentados, e representativos das incursións filolóxicas nas que a autora nos ofrece máis achegas e máis novidades".

Dicionario
Axenda de actos Ver todos
Sábado 23 de setembro de 2017 / 12:00 h
Ingreso de Chus Pato como académica numeraria da RAG - Ourense
Sábado 30 de setembro de 2017 / 9:30 h
II Xornada de onomástica galega: Os nomes e apelidos - Museo de Pontevedra

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar