Recordando a poeta das Mariñas

A asociación Irmáns Suárez Picallo, a Asociación Lisístrata, o Concello de Bergondo, a veciñanza da parroquia de Moruxo e dos arredores e o párroco Rubén Aramburu recordaron este 26 de xullo a Filomena Dato cunha ofrenda floral e lecturas de textos da súa autoría. O acto, no que tamén houbo unha representación de Ana Hermida e actuaron os Gaiteiros de Bergondo, tivo lugar no camposanto de Moruxo. A escritora e académica correspondente, nada en Ourense en 1856 e finada na Coruña aos setenta anos, está enterrada neste cemiterio.

Ana Hermida, da Asociación Lisístrata, interpretando poemas de Filomena Dato. Fonte: @ConcelloBergondo


No acto repartiuse un folleto que recorda a figura de Filomena Dato. Máis adiante, o vindeiro mes de febreiro, cadrando co aniversario do seu pasamento, está previsto descubrir un busto que faga perdurar o seu papel en Bergondo. Nesta nova homenaxe colaborará a Real Academia Galega, institución da que foi membro correspondente a "poetisa das Mariñas", en palabras de Alejandro Pérez Lugín. A escritora, figura destacada da denominada literatura feminista a cabalo entre os séculos XIX e XX, formou parte da RAG desde a súa fundación, no ano 1906.


@ConcelloBergondo
Dicionario

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar