Presentación do 'Portal das Palabras'

Este novo espazo dixital, desenvolto conxuntamente pola Academia e a Fundación Barrié, ten como obxectivo contribuír ao coñecemento e difusión dos recursos léxicos creados pola Academia entre a comunidade escolar.
Monteagudo Romero, Alonso Montero, Arias Mosquera e López Martínez.
Monteagudo Romero, Alonso Montero, Arias Mosquera e López Martínez


O acto de presentación contou coa presenza dos presidentes da Academia e da Fundación Barrié, Xesús Alonso Montero e José María Arias Mosquera; do secretario da Academia, Henrique Monteagudo Romero; do director da Fundación Barrié, Javier López Martínez e dos membros numerarios Rosario Álvarez Blanco e Xesús Ferro Ruibal.

"Presentamos este portal co obxectivo de difundir o acerbo léxico da Academia entre os máis novo", comentou o presidente da Fundación Barrié, Arias Mosquera, sobre o Portal das Palabras, e engadiu: "este portal é froito da sinerxía, do traballo conxunto entre os especialistas da Academia e os de Educa Barrié, e esta institución vai seguir ofrecendo a súa colaboración á Academia en calquera proxecto dirixido ao mundo da educación".

"Hoxe é un día grande para a Academia, hoxe vimos de presenciar un verdadeiro acontecemento no eido da lexicografía galega", salientou Alonso Montero respecto da nova versión do Dicionario. Alonso Montero expresou, a continuación, en nome da Academia, o seu agradecemento á Fundación Barrié polo seu longo historial de colaboración e apoio económico á Academia: "nós desexariamos que o seu exemplo se estendese a outras empresas privadas, e que no futuro puideramos contar cunha asociación de amigos da Academia, como a que apoia á Real Academia Española".

"Este Portal das Palabras é o resultado da colaboración entre dúas constitucións, e tamén dunha complicidade no xeito de ver as cousas" comentou o director da Fundación Barrié, Javier López Martínez subliñou, na súa quenda, quen destacou o carácter eminentemente didáctico e pedagóxico do novo espazo virtual dirixido aos máis mozos, "porque neles reside o futuro da nosa lingua". No capítulo de agradecementos, López Martínez fixo mención dos membros da anterior directiva da Academia, Méndez Ferrín, Axeitos Agrelo e González González que participaran na posta en marcha do proxecto, e salientou o importante labor de Lois Rodríguez e Diego Rodríguez na súa execución.

Para o secretario da Academia, Henrique Monteagudo, o Portal das Palabras é o resultado da confluencia de tres factores: "por unha parte, temos todo o traballo de investigación feito polo Seminario de Lexicografía, por outra, as innovacións tecnolóxicas que permiten o seu mellor tratamento e capacidade de divulgación, e un terceiro factor que son as aplicacións puramente didácticas e pedagóxicas". Monteagudo Romero rematou o seu discurso exemplificando, en proxectos como o Portal das Palabras, a vocación de servizo da Academia á sociedade galega de hoxe.

Dicionario
Axenda de actos Ver todos
Luns 24 de xullo de 2017 / 11:00 h
Clausura dos XXX Cursos de lingua e cultura galegas en Santiago

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar