Nace a Biblioteca de Mesopotamia, especializada na literatura da Ribeira Sacra

A pinacoteca do Colexio Nosa Señora da Antiga, en Monforte de Lemos, acolleu o pasado sábado a presentación da Biblioteca de Mesopotamia, o novo selo editorial especializado na literatura relacionada coa Ribeira Sacra. A colección, que bota a andar cos Contos de Mesopotamia de Ánxel Fole, conta co apoio da Real Academia Galega, entre outras institucións. A académica Margarita Ledo interveu no acto en representación da entidade.

A Biblioteca de Mesopotamia nace impulsada polo escritor e editor Antón Lopo e o deseñador Manolo Martínez desde a editorial Chan de Pólvora co propósito de difundir a cultura e os autores da Ribeira Sacra, na que conflúen os ríos Miño e Sil. "Entre os nomes das persoas que se deixaron engaiolar pola Mesopotamia galega, podemos atopar os míticos trobeiros, a Cervantes, Blanco Amor, Vicente Risco, Uxío Novoneyra ou Ánxel Fole", salientan os promotores, que tamén pretenden contribuír con este selo á candidatura da Ribeira Sacra para acadar a declaración de Patrimonio da Humanidade.

A edición dos dez relatos que conforman os Contos de Mesopotamia de Fole que abre a colección conta cunha introdución de Claudio Rodríguez Fer na que explica a relación entre a paisaxe da Ribeira Sacra e Ánxel Fole, quen pasou parte da súa vida en Quiroga. O volume inclúe un índice xeográfico coa toponimia e a historia dos diferentes emprazamentos da zona.

A Biblioteca de Mesopotamia presentará un novo título cadra catro meses. Ernesto Guerra Dacal, Lois Pereiro, Emilio Araúxo, Manuel María ou Góngora (quen tivo como mecenas o VII conde de Lemos) son outros dos autores aos que se achegará o proxecto.


A académica Margarita Ledo, sétima pola esquerda, participou na presentación da Biblioteca de Mesopotamia. Fonte: Chan da Pólvora
Dicionario
Axenda de actos Ver todos
Martes 21 de novembro de 2017 / 17:00 h
Simposio Carlos Casares
Mércores 22 de novembro de 2017 / 17:00 h
Simposio Carlos Casares
Xoves 23 de novembro de 2017 / 17:00 h
Simposio Carlos Casares
Sábado 2 de decembro de 2017 / 12:00 h
Ingreso de Marina Mayoral como académica de honra da RAG

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar