Manifesto do Consello de Galiza de xaneiro de 1970

No setenta aniversario da súa fundación en Montevideo, o 15 de novembro de 1944, exhumamos un manifesto do Consello de Galiza publicado en xaneiro de 1970.
Ramón Suárez Picallo, Antón Alonso Ríos e Alberto Vilanova nunha homenaxe ao poeta Alberto Vilanova en Bos Aires
Antón Alonso Ríos e Ramón Suárez Picallo durante unha homenaxe ao poeta Avelino Díaz en Bos Aires


O Consello de Galiza foi unha institución creada polos deputados republicanos de signo galeguista no exilio co fin de manter vixente a lexitimidade republicana e facer efectivos os mandatos emanados da aprobación do Estatuto de Galicia en 1936.

Os seus primeiros asinantes foron Castelao, Antón Alonso Ríos, Ramón Suárez Picallo e Elpidio Villaverde e, andado o tempo, o Consello de Galiza acabaría por se converter na principal ferramenta de organización política do galeguismo exterior, aglutinando nas súas fileiras figuras do galeguismo que proviñan de diferentes sensibilidades e militancias partidarias.

No manifesto do Consello de Galiza feito público en xaneiro de 1970, e que aparece asinado "Dende un lugar da Terra", os redactores ou redactoras do mesmo fan unha análise da situación política no estado español naquela altura, o Tardofranquismo, deseñan un marco de actuación futura e rematan o manifesto coa seguinte arenga: "Neste intre decisivo pro noso porvir, somentes cabe dicir a tódolos homes e mulleres da Terra, frente as necesidades dela: ¡Qué cada un percure cumprir co seu deber!".

O manifesto do Consello de Galiza de xaneiro de 1970 pódese descargar aquí.

Dicionario

Novas da Academia

Subscríbete

Cursos de Verán


Toda a información
nesta páxina

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar