Jose Leite de Vasconcelos na Coruña

A primeiros de setembro de 1902, o eminente filólogo e arqueólogo portugués Jose Leite de Vasconcellos (1858-1941) visitaba a Coruña onde foi recibido e homenaxeado polos membros da Cova Céltica.
Jose Leite de Vasconcelos.
Jose Leite de Vasconcelos.


Segundo informa o número 390 da Revista Gallega, do 7 de setembro de 1902, que se pode consultar aquí, o eminente lingüista portugués atopábase daquela na cidade herculina procurando "apuntes que lle servirán para escribir unha estensa obra sobre dos usos, costumes e lenguaxe de Galicia, rexión que é ouxeto da predileución do noso sabio amigo".

A "estensa obra" sobre a lingua galega á que fai referencia o artigo pode tratarse quer de Estudos de philologia gallega, publicada en 1902, quer de Miuçalhas gallegas, de 1907, pois a temática galega, como ben sinala o redactor da nova, era da súa predileución. A visita, planificada para un día, estendeuse dúas xornadas máis durante as cales Leite de Vasconcelos recibiu a homenaxe de boa parte da intelectualidade rexionalista da época residente na Coruña, como Manuel Murguía, Eduardo Pondal, Martínez Salazar, Lugrís Freire, Florencio Vaamonde, Uxío Carré Aldao, Francisco Tettamancy e Galo Salinas, todos eles, agás este último, futuros membros fundadores da Academia.

Con ocasión da súa visita, Leite de Vasconcelos compuxo o soneto titulado "Galicia" que reproducimos máis abaixo.

GALICIA
GALICIA, terra irman de PORTUGAL,
onde voan os mesmos paxariños,
E as mesmas froles bordan os camiños,
E as mesmas almas ten o mesmo ideal;

Lindo berce de Curros e Pondal,
-U, que escoita os murmulos dos airiñosxxxx,
Otro, que abrindo vellos pergamiños,
Canta as grorias duún pobo colosal-:

Eu te saudo! E chamome feliz,
Pois hoxe, preto d'estes bos amigos,
Bebin en paz dous gotos de Xerez…

Soño da veira-mar, verde país,
Poida eu por lonxe andar sen correr p'rigos,
Para acóte vir saudar mais unha vez!

A Cruña, Setembro 2 de 1902.

Dicionario

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar