Doazón de documentos de Villar Ponte

Esperanza Casal Rodríguez, nora de Antón Villar Ponte, fixo entrega á Academia, por medio de Pepe Carballude, de varios documentos que pertenceron ao senlleiro galeguista.
Henrique Monteagudo, Esperanza Casal, Xesús Alonso Montero, Pepe Carballude
Henrique Monteagudo, Esperanza Casal, Xesús Alonso Montero e Pepe Carballude


O presidente da Academia, Xesús Alonso Montero cualificou como unha "alfaia" os documentos de Villar Ponte recibidos onte formalmente na Academia, entre os que se atopa o manuscrito orixinal da obra dramática Donosiña, de Xaime Quintanilla, que contén unha dedicatoria a quen foi o seu amigo e compañeiro de militancia galeguista.

Alonso Montero manifestou, ademais, o compromiso da Academia na conmemoración do oitenta aniversario do ingreso nesta institución de Antón Villar Ponte, celebrado o 24 de xullo de 1934, a quen cualificou de "xornalista extraordinario".

Pola súa parte, o escritor Pepe Carballude, logo de manifestar a súa satisfacción pola entrega á Academia do legado villarpontiano, fixo na súa intervención unha evocación de Antonio Villar Chao, fillo de Villar Ponte e marido de Esperanza Casal, quen foi xogador e capitán do Deportivo da Coruña, e máis tarde, adestrador das seleccións nacionais de México e Venezuela.

Dicionario
Axenda de actos Ver todos
Sábado 23 de setembro de 2017 / 12:00 h
Ingreso de Chus Pato como académica numeraria da RAG - Ourense
Sábado 30 de setembro de 2017 / 9:30 h
II Xornada de onomástica galega: Os nomes e apelidos - Museo de Pontevedra

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar