Convocada a XXVIII Edición dos Cursos de verán de lingua e cultura galegas

Os Cursos, dirixidos a persoas de fóra de Galicia, desenvolveranse en Santiago de Compostela entre o 1 e o 24 de xullo.
Xesús Alonso Montero faille entrega do seu título a unha alumna
Xesús Alonso Montero faille entrega do seu título a unha alumna dos Cursos de verán


Organizados conxuntamente pola Real Academia Galega, a Xunta de Galicia, a Universidade de Santiago de Compostela e a Deputación da Coruña, a XXVIII Edición dos Cursos de verán de lingua e cultura galegas será dirixida polo secretario da Academia, Henrique Monteagudo.

Divididos en tres niveis –elemental, medio e superior- segundo o grao de coñecemento previo da lingua e cultura galegas de cada alumno, os Cursos de verán achegan unha visión completa sobre a historia e o estado actual da lingua e a cultura galegas desde unha perspectiva multidisciplinar que inclúe a proxección de filmes e documentais, a asistencia a conferencias e recitais poéticos así como visitas guiadas a eventos e lugares de interese polo seu valor etnográfico ou paisaxístico.

Concibidos como unha ferramenta fundamental no proceso de internacionalización da lingua e a cultura galegas, os máis de dous mil cincocentos alumnos procedentes de máis de trinta países que asistiron aos Cursos de verán ao longo dos últimos vinte e sete anos, constitúen hoxe un factor moi importante de prestixio para a nosa lingua e un elemento clave para a súa normalización.

O prazo para se matricular nos Cursos de verán remata o vindeiro 30 de abril e a ficha de inscrición pódese descargar aquí.

O folleto informativo dos Cursos pódese descargar nestoutra ligazón.

Dicionario
Axenda de actos Ver todos
Martes 21 de novembro de 2017 / 17:00 h
Simposio Carlos Casares
Mércores 22 de novembro de 2017 / 17:00 h
Simposio Carlos Casares
Xoves 23 de novembro de 2017 / 17:00 h
Simposio Carlos Casares
Sábado 2 de decembro de 2017 / 12:00 h
Ingreso de Marina Mayoral como académica de honra da RAG

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar