A RAG e a Consellería de Cultura asinan un convenio de colaboración

O convenio de colaboración entre a Real Academia Galega e a Consellería de Cultura, Educación e Ordenación Universitaria para o ano 2017 foi asinado hoxe en San Caetano polos responsables de ambas as institucións. Este novo marco permitirá á RAG avanzar en distintos proxectos e traballos no eido da lexicografía, a gramática ou a sociolingüística, ademais de facilitar a organización de diversas actividades culturais e académicas.

No centro da imaxe, o presidente da RAG, Víctor F. Freixanes, e o conselleiro de Cultura, Román Rodríguez, acompañados polo secretario da RAG, Henrique Monteagudo, e o secretario xeral de Política Lingüística, Valentín García. Fonte: Xunta


O presidente da Real Academia Galega, Víctor F. Freixanes, e o conselleiro de Cultura, Educación e Ordenación Universitaria, Román Rodríguez, asinaron esta mañá en San Caetano o convenio, que permitirá seguir traballando na consolidación dos servizos que a RAG presta ao conxunto da sociedade galega en materia de normalización lingüística.

A celebración do Día das Letras Galegas, a edición das publicacións científicas da Academia e a adquisición de publicacións e documentación para fornecer os fondos bibliográficos e arquivísticos de acceso público son outras das accións que apoia o convenio asinado hoxe nun acto no que tamén participaron o secretario da RAG, Henrique Monteagudo, e o secretario xeral de Política Lingüística, Valentín García.

Dicionario
Axenda de actos Ver todos
Martes 21 de novembro de 2017 / 17:00 h
Simposio Carlos Casares
Mércores 22 de novembro de 2017 / 17:00 h
Simposio Carlos Casares
Xoves 23 de novembro de 2017 / 17:00 h
Simposio Carlos Casares
Sábado 2 de decembro de 2017 / 12:00 h
Ingreso de Marina Mayoral como académica de honra da RAG

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar