A RAG celebra o aniversario de Rosalía o 22 de febreiro cunha homenaxe literaria e musical

A Real Academia Galega celebrará o mércores 22 de febreiro o 180 aniversario do nacemento de Rosalía de Castro cunha homenaxe literaria e musical. O músico Roi Casal interpretará poemas da escritora musicados por el mesmo nun acto no que tamén haberá recitados dos seus versos a cargo de Rosalía F. Rial, Ánxeles Penas e os académicos Marilar Aleixandre, Salvador García-Bodaño e Luz Pozo.

Detalle do convite do acto literario e musical en homenaxe a Rosalía de Castro


A celebración terá lugar a partir das 19:30 horas no salón de actos da Academia (rúa Tabernas, 11 – A Coruña).

A entrada é libre ata completar aforo. É impresdincible retirar previamente o convite na sede da RAG no seguinte horario: o martes 21 de febreiro de 10:00 a 13:30 horas pola mañá e de 16:30 a 19:30 pola tarde; e o propio mércores 22 de febreiro de 10:00 a 13:30 horas.

A homenaxe deste mércores non é a única iniciativa da Academia arredor do aniversario da escritora fundacional das nosas letras contemporáneas, nada o 24 de febreiro de 1837 en Santiago de Compostela. O Arquivo da institución puxo a disposición do público a comezos deste mes a súa colección de imaxes da autora, a máis completa das existentes, a través do Arquivo Dixital de Galicia.

Dicionario

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar