A exposición do centenario das Irmandades da Fala, a partir do 2 de decembro en Ferrol

A exposición do centenario das Irmandades da Fala Saúde e Terra irmá(n)s! será inaugurada este venres, 2 de decembro, no Centro Cultural Torrente Ballester de Ferrol, nun acto que empezará ás 19 horas. A mostra, coorganizada pola Real Academia Galega, a Deputación da Coruña e o Museo do Pobo Galego, permanecerá neste espazo ata o vindeiro día 27, despois de pasar desde xuño pola Coruña, Santiago de Compostela, Vigo, Pontevedra, Ourense e Lugo, e completando así un amplo percorrido polas principais localidades do país.

Saúde e Terra, irmá(n)s! ofrece unha viaxe pola historia dun movemento que marcou un antes e un despois na historia de Galicia, pioneiro na defensa do uso do idioma galego en todos os contextos. A exposición amosa unhas 130 pezas, documentos e primeiras edicións orixinais da época grazas á colaboración de distintas entidades. Poderá verse no centro cultural municipal ferrolán de martes a sábado de 11:30 a 13 horas e de 17:30 a 20:30 horas e os domingos, de 10 a 14 horas.

Pode descargar o folleto da exposición nesta ligazón.

Pode descargar o convite da inauguración nesta ligazón.

Dicionario
Axenda de actos Ver todos
Xoves 14 de decembro de 2017 / 20:00 h
'Eduardo Pondal, poeta na Coruña', conferencia de Manuel Ferreiro

Novas da Academia

Subscríbete

Normas ortográficas e morfolóxicas do idioma galego

Descargar

Vocabulario Ortográfico da Lingua Galega

Consultar

Hemeroteca Virtual Galicia nas páxinas dos seus xornais.

IR

Cuberta do Boletín 376

Boletín da Real Academia Galega
nº 376

Descargar

Cadernos de Lingua
nº 35

Descargar